ចិន នឹងបញ្ជូនបេសកជនពិសេសមកកម្ពុជា និងថៃ ដើម្បីដោះស្រាយជម្លោះ

ក្រសួងការបរទេសចិន បានប្រកាសថា បេសកជនពិសេសរបស់ខ្លួន នៅថ្ងៃទី១៨ ខែធ្នូ នឹងធ្វើដំណើរមកកម្ពុជា និងថៃ ដើម្បីជួយប្រទេសទាំង២កសាងសន្តិភាពឡើងវិញ ។

ចិនកំពុងប្រឹងប្រែងរកដំណោះស្រាយសន្តិភាពរវាងកម្ពុជានិងថៃ ខណៈពេលថៃកំពុងបន្តឈានពានកម្ពុជា ហើយវាយប្រហារមិនរើសមុខគោលដៅ។

ឯកអគ្គរដ្ឋទូត ចិន លោក វ៉ាង វិនប៊ិន បានអោយដឹងថា នៅថ្ងៃទី១៨ ខែធ្នូ បេសកជនពិសេសទទួលបន្ទុកកិច្ចការអាស៊ីនៃក្រសួងការបរទេសចិន នឹងធ្វើដំណើរជាថ្មីម្តងទៀតមកកាន់ប្រទេសកម្ពុជា និងប្រទេសថៃ ក្នុងបេសកកម្មការទូត ដើម្បីជួយសម្របសម្រួលភាគីទាំងពីរ ក្នុងការកសាងសន្តិភាពឡើងវិញឲ្យបានឆាប់រហ័ស។